Dialect gedichtjes uit Maasniel en omstreken


Bijeengebracht door P.v. Cruchten, Ria Reuten, Joke Bongaerts-Ratering, Mieke Aarts-Bemelmans


paerdje meule

versje

Hop paerdje meule, de köster zoot op 't veule, pesjtoor zoot op ein bonjte koe, reeje same nao de meule toe, om ein zekske haver, waat zol det paerdje drave, om ein zekske wikke, waat zol det paerdje sjlikke, hop paerdje op ein draf, morge is het zondag! Dit versje zaes-se, mit dae peuter veur dich oppe kneen, mit 't gezich nao dich toe, en doe hels ém aan allebei de hendjes vas! En op 't ritme det ritje op 't paerd naodoon!

Vastelaovend mit God

liedje

Vastelaovend mit God
zo rammelt dae pot
zo danse de maedjes
zo huppelt die vod

Ans

versje

ans, pans, sjoer de piep
morge bösse dien naas kwiet
gangk nao de Steine Brök
dan vinjse dien naas weer trök

Baer

versje

Baer haet eine zjwaer,
achter op zien sjeetgewaer!

Bekker 1

versje

Bekker,sjiet lekker,
sjiet aolie-kook!
Drie maol gebakke en nog neet good!

Bekker 2

versje

Bekker,sjiet lekker,
sjiet aolie-kook!
Bak mich ein vlaedje,det sjmaak zo good!!

Bekker 3

versje

Bekker,sjiet lekker,
sjiet aolie-kook!
geef os eirn vlaedje,det sjmaak zo good.

et laeve

versje

probeer in et laeve
altied et gooje te gaeve.
dink neet allein aan dichzelf, 
dan kump de res vanzelf.

et raegent

versje

et raegent, et zaegent
de panne waere naat,
dao kwoome twee sjöldäötjes aan, 
die veele op häör gaat..

Hoeperdepoep

versje

Hoeperdepoep zaat op de sjtoep
en leet der eine vleege,
Hoeperdepoep zaat op de sjtoep
en leet ter eine gaon

kiele wiele, wens

versje

Hiej hobs-se eine sent,
gangk nao de mert,
koup ein koe,
sjtökske van de laever,
sjtökske van de pens,
kiele wiele, wens!


Lieske

versje

Lieske zaat in de kamer,
zaat en sjleep.
Ach doe Lieske waat bös toe krangk, 
dets toe neet meer sjpringe kans.
Lieske sjpring ,
Lieske sjpring ,
zit eine angere in de kring.

mooders wage

versje

Jantje zoot op mooders wage,
tösse moos en tösse reet,
mam reep: alles verkoup ich,
mer mien Jantje kriegs-toe neat!

muurke sjrabbe

versje

Jantje mos ein muurke sjrabbe ,
sjneej zich in de doem, 
det goof ein dieke proem. 
Jan zoep oet, doe bös droet!

Neel blief Neel

leedje

Neel blief Neel,
det klink al in 't rondj 
veer make et gaer ein bietje bontj
want carneval is veur plezeer 
det zinge veer jao keer op keer..

nuuje jas

versje oet ech

ich krieg eine nuuje jas
zag de Sjtas,
ich krieg ter eine mit Paose 
zag Merie Maosse, 
det vinj ich erg 
zag Krekelberg.

Oze Vader

gebed
Oze Vader,
dae in den hemel is,
eure naam waerd geheilig,
eur riek zal komme,
waat geer wilt zal gebeure,
hi.ej op de aerde wie in den hemel,
gaef os altied opnuuj os aete van eedere daag,
en vergaef os oos foute,
zo wie veer ze anger miense vergaeve,
bewaar as veur de verleiding en bevriej os van het kwaod. Amen.

peste

versje

Ich kom oet et ooste
om dich to trooste.
Ich kom oet et weste
om dich to peste.


poesie 

versje

deze poesie is van dich,mien leef
waem em sjtaelt,det is eine deef,
dae mot zitte op ein paadje,
en krieg zeve naegel in zien gaetje.

Sintermertes veugelke

leedje

Sintermertes veugelke,
Kwaam mit zien rood-kop-keugelke
gevlaoge,gesjtaove, rech euver de Maas
wo sin heel disk verke waas. 
Gooi vrouw gaef os get alle kienjer kriege get.
Hiej woont eine rieke man 
dae is waal get gaeve kan,
vaol zal hae gaeve, 
lang zal hae laeve, 
zalig zal hae sjterve 
de hemel zal hae erve.

sjael is mien zuster

versje

sjael is mien zuster,
mottig is mien broor, 
dan höbbe ver eine kleine, 
dae sjeet zo greun as poor.
ta..taratata.. enz.

Teunke

versje

Teunke, mien zeunke
loog onger de bank,
sjeet zien vader driej elle langk,
drie elle woor gemaete 
Teunke had gevraete!

van Gend en Loos

versje

van Gend en Loos
die brachte ein grote doos. 
waat zoot ter in 
ein dieke sjpin

Veur Jantje

versje

Jantje mien leef kindj, 
soms bòs-se eine vlaegel,
toch bòn ich dich good gezindj doe hòbs vaol gave
mer die mos tich auch gebroeke, thoes en hiej,
daorom, haaje veer dich de wits waal biej

Neel

Liedje

T kump mich zomaar in herinnering of t gister is gebeurt
Ich zeen mien mooder in heur huuske mit ein kledje bontjgekleurd
Zie zag maedje gank dich aandoon
Was dien henj en keim dien hoar
T is zoondag veer goan wanjele
Want die loch die kiek zo kloar
En zie wies mich heel verheug
Al die plekskes oet heur jeug
Donderberg en tooresheg
Joa die meule is noe weg
Giebelsgetsjke , sjinderskoel
Noome veur heel duk als doel
Of menheerkes det zaalige oord
Veer veer leafde zoo bekoord

Refrein:
Mien mooder woar ein neelder kindj
Doa heat heur weeg gesjtoan
In t dorpke Neel biej t sjtedje Remunj
Doa woar ziej neet meer weg te sjloan
En kump veur mich nog ens de tied dat ich van hiej mot goan
Dan blief in mien hert ein plekske veur Neel de plaats woa mien weeg haet gesjtoan

Maar die tieje zeen verangers en auch Neel dat ging veuroet
Heel veul plekskes waat ens landj waar die zeen noe gans volgebouwd
OP de Baek kwaam eine deksel en die sjtoat waerde ein laan
Woa ens koare sjting te wuive kiekse taege villa's aan
T groene kruis hiej geit heel prat
Op de douchcel en t bad
En de kroon hiej op t werk
Is oos sjoone nuuje kerk
Klink door t Neelder dialek
T hoog Hollands gaar neet gek
Veer blieve t landjelijk geheel
Maak nieks oet want Neel blief Neel

Refrein